كلنا حزينين على الى حصل للرئيس
بس هو الى وصل الناس انها تعمل كدة
وهو الى اعطى الفرصة للناس الى معندهاش ضمير تسرق فى البلد وتدوس على الغلابة
وهو كان لازم يمشى بس الطريقة الى مشى بيها هى الى مديقة اكتر الناس
وكل الناس كانت عيزاه يمشى بس مش بالطريقة دى

اولا مبارك كان اول واحد عارف بالى بيحصل
يعنى مكنش بيقرأ الجرنال او يسمع الى بيحصل فى التليفزيون
وهو لما يعرف ان وزير السياحة سرق رارض لنفسه مش مفروض انه يعاقبه ويشيله من الوزارة لا هو معملش كدة هو رجعها وسابه
طب ده ينفع
وهو الى خلى جمال ابنه متحكم فى كل حاجة وهو خرج برة الحكاية خالص
والشعب فعلا كان مفروض يصبر عليه بس الى شافه مش شوية
الى شافه وعانة منه كتيييييييير
مقدروش يستحملوه اكتر من كدة
وبعدين هو مين المسئول عن رئيس الوزراء الى مسئول عن الوزراء ده مش هو
وهو لو كان طلع من اول يوم فى المظاهرات وقال ان الحكومة اسقالت مكنش حصل كل ده بس هو الى كان فاكر ان الموضوع عادى
والشباب ده تافه وميقدرش يعمل حاجة
ثانيا بقى معلش انا مسمحش لاى حد انه يغلط فى الشعب المصرى ولا فى مصر

انا مش بتكلمعلى نفسى انا بتكلم عن الشعب كله
وعلى فكرة انا مكنتش احب انه يمشى بالطريقة دى
بس الى عملوا فى الناس والذل الى الناس اتذلته مخلاش الناس تفتكرله اى حاجة حلوة عملها
لما يبيع الغاز لأسرائيل برخص التراب وقصاد ده ياخد معونة من امريكا ويخلى الشعب مذلول
مع انه لو باعه بتمنه مكناش حنحتاج لاى معونات من حد ده مش حرام
والى قال انه عنده 70 مليار دولار ده مش اشاعة ده حقيقى ومش الناس الى قالت كدة لما جمده اردته فى البنوك
كان ده قدرها
وهو لو كان طلع من اول يوم فى المظاهرات وقال ان الحكومة استقالت كان الشعب حيهدأ ومكنش حيمشى بالطريقة دى
الناس كانت طالعة اول يوم عايزة الوزارة الى تتشال مش الرئيس هو الى وصلهم لكدة
لانه استهيفهم ومتصورش انهم ممكن يبقه السبب فى انه يمشى
لكن رفع العلم وعيشنا فى سلام كل ده الناس مش نكراه
اما بالنسبة لامريكا بقى امريكا ظهرت فى الحكاية دى كلها بمواقف كتير محدش عرفها حال
مرة تقول ان الرئيس لازم يتمسك بالحكم
ومرة لازم يمشى ومرة تبعت سفير للبرادعى وسفير سابق لمبارك
امريكا عايزة مصلحتها مع الى حيجى بعد مبارك
ومتهيألى كمان الجيش حاكم البلد كويس اوى وانشاء الله مش حيحصل حروب

على فكرة انا مش من شباب الفيس بوك
وكنت بتفرج على قنوات كتير منه الجزيرة والعربية الى كانت بتولع الدنيا
ومنها كمان التليفزيون المصرى الى كذب على الناس كتير
ومدام انت مقتنع بالكلام الى بتقوله ومقتنع ان الغاز منكش بيروح لاسرائيل برخص التراب وان اميركا مبعتتش عربية تموت فى الناس عشان تولع البلد
وانا حسنى مبارك مظلمش ومكنش فى فساد فى البلد
خلاتص خليك مفتنع بكلامك
وانا ليا رأيى
اختلاف الرأى لا يفسد للود قضية
بس يا ريت متغلطش فى الشعب المصرى
مش كل الشب شتمه والى عمل كدة من الذل ال كان فيه والظلم الى كان بيحصله

اتفاقية دى ملهاش علاقة بالاتفاقية نهائى
وكمان هو لو ادلهم الغاز بسعره ايه الى حيحصل
الناس هنا مش لاقيين الغاز ده وهو رايح يصدره برخص التراب
وان اسفة مخدتش بالى انه قال ان امركا بعتت عربية
والانسان بيغلط مرة اتنين تلاتة لكن كل ده حرام وخصوصا لما يكون على حساب ناس تانية
ده رأيى واحترم رأيكم
اختلاف الرأى لا يفسد للود قضي